“Jadidlar g‘oyalari yangi О‘zbekiston strategiyasi bilan hamohangdir” shiori ostidagi “Ona yurt fidoiylari” ko‘rik-tanlovida O‘zbekiston xalq rassomlari, O‘zbekiston Badiiy akademiyasi akademiklaridan iborat tarkibda tuzilgan hay’at a’zolarining yakuniy qaroriga muvofiq:
“Eng yaxshi grafika asari” nominatsiyasida Milliy rassomlik va dizayn instituti Dastgoh va kitob grafikasi ta’lim yo‘nalishi talabasi Aziza Xodjatayeva g‘olib deb topildi. Tanlov g‘oliblarining har biri Milliy rassomlik va dizayn instituti rahbariyatining qimmatbaho sovg‘alari bilan mukofotlanishdi. Taqdirlash marosimi 2024 yil 5-iyun Toshkent fotolar uyida bo‘lib o‘tdi.
Shuningdek, “Eng yaxshi grafika asari” nominatsiyasida faol ishtiroki uchun talabalar — Xasan Azimjonov, Ernazar Kenjayev, Zebiniso Muzrobjonovalar rag‘batlantiruvchi diplomlar va “Vista artista” brendining sovg‘alari bilan taqdirlandi.
